WHAT'S NEW?
Loading...

ممارسة الانجليزي في البيت

6 مواقع مجانيه بترشحهم مكتبة نيويورك العامة على موقعها لممارسة الانجليزي في البيت يعني #ملكش_حجة :D
مواقع ممتازة، يكفى انها ترشيحات مكتبة نيويورك يعني ادخل وانت مغمض واختار واخد او اتنين بالكتير واشتغل عليهم
بس قبل ما تقرأ منشن زميلك او صاحبك اللي هيذاكر معاك حاولوا تعملوا جروب انت وصحابك عشان يبقى فيه تحدى بينكم لو اعتمدت علي نفسك مش هتنجز.
1- Easy World of English
والموقع ده بسيط جدا وشكله جميل وفيه شويه معلومات ممكن تلمهم في اسبوع مذاكرة بجد بس هيعملوا معاك فرق السنين خصوصا في النطق
http://easyworldofenglish.com/
______________________________________________
2-Many Things
الموقع باين من اسمه "حاجات كتير" فيه كل حاجة ممكن تخطر علي بالك قراءة واستماع وقواعد والعاب وعاميه الموقع مفهوش كشكل مفهوش بهرجة والوان بس موقع محتواه غني جدا ومفيهوش اعلانات ودة ميزة عظيمة.
كمان فيه جزء حوالي ٢٥٠ صفحة كلمات وجمل عربي انجليزي وفيها نطق هحط اللينك عليها مباشرة
http://www.manythings.org/bilingual/ara/
__________________________________________________
3-Dave's ESL Cafe
منتدى عالمي للمدرسين ومتعلمي اللغة الإنجليزية كلغة ثانية في جميع أنحاء العالم. فيه طبعا مصادر بس هيكون كويس جدا لمدرسين اللغة الانجليزية
http://www.eslcafe.com/
_____________________________________________________
4- ABCYa
الموقع ده لتعليم الاطفال انجلش مرتب من اول الحضانه لغاية الصف الخامس بس ينفع مع اي حد حتى لو كبار مسلي ولطيف
http://www.abcya.com/
_____________________________________________________
5- GCF Learn Free
ده موقع لطيف وتفاعلي فيه دروس بتاعة Every day life الحاجات اللي ممكن تحتاجها يوميا
http://www.gcflearnfree.org/topics/everydaylife/
بالاضافة لموضوع الانجليزي هو كمان فيه ممكن تعرف حاجات مواضيع كتير مثلا الكومبيوتر وانظمة التشغل بس الموقع ده هيفبد الناس اللي بتفهم انجليزي بقدر معقول مش للمبتدئين
_____________________________________________________
6-Language Guide
ده قاموس انجليزي مصور ومسموع يعدى الماوس علي الصورة ينطقلك اسمها بالاضافة اني جايبلكم اللينك مباشر علي النسخة العربي من الموقع اظن مفيش دلع بعد كده :)
https://goo.gl/1uSuyk
تابعوا هاشتاج
#ابدأ
#شير_وفيد_غيرك 😃😃
#شير_فى_الخير

0 التعليقات:

إرسال تعليق